الخلافات بين شاروخان وجوز فرح خان "شيريش كوندر"

خلاف النهاردة بين اتنين واحد فيهم بس هو اللى مهم  والتانى لاء بس مراته مهمة 

شاروخان و جوز فرح خان " شيريش كوندر " 

فرح و شاروخان من الصداقات الحلوووة جدا ف بوليود 

لكن شاروخان و جوزها مكنوش كده خالص 

شيريش اتجوز فرح ف 9 ديسمبر 2004  بالمناسبة فرح اكبر منه بحوالى 8

سنين 

وده مأثرش على صداقة شاروخان و فرح لو لاحظتوا هتلاقوا تقريبا معظم

الافلام اللى من اخراج فرح كان بطلها شاروخان 

Main Hoon Naa و Om Shanti Om ومؤخرا Happy New Year 

مشكلة جوز فرح مع شاروخان عملت كمان مشكلة بين شاروخان وفرح بعدها 

بدأت مشكلة شاروخان و شيريش لما راح شاروخان يحضر حفلة كانت معمولة

ف مكان من اماكن السهرة اسمه جوهو بمناسبة نجاح سنجاى دات ف دوره

ف فيلم Agneepath وكنت يوم حد و دخول شاروخان للحفلة كان الساعة

3:15 الصبح "فجر الاتنين " ودخل شاروخان الحفلة وكان مبسوط جدا وبارك ل

سنجاى ومراته مانيتا  و فضل يرقص معاهم على المسرح والدنيا جميلة

وكله كويس 

شهود العيان من اللى حضروا الحفلة قالوا ان شيريش كان عمال يروح ورا

شاروخان ف كل حتة يقعد فيها شاروخان يروح يحشر نفسه ويقعد جنبه 

وشاروخان كان بكل بساطة بيتجاهله وبيتجاهل وجوده اصلا 

العلاقة ف الوقت ده بين شيريش وشاروخان ف الوقت ده مكنتش كويسة 

شاروخان كان شايل منه بعد ما شيريش انتقد فيلم شاروخان الجديد كان

وقتها Ra.One واتريق عليه وشاروخان اعتبرها غلاسة منه   وغلاسة

غير مبررة كمان 

ورد شاروخان عليه كان بس التجاهل 

بس الواد فضل ورا شاروخان برضه 

.. لحد ما سنجاى دات اخدت شاروخان مكان بعيد شوية لوحدهم عشان

يعرفه على صديق مقرب ليه 

راح جه اخونا الرخم ده وحشر نفسه ف النص  وراح موشوش شاروخان ف

ودنه وقاله كلام 

الناس معرفتش هو قال ايه لشاروخان لكن شافه اثره على وش شاروخان

اللى غضب مرة واحدة وموده اتغير 180 درجة وكان هيسيب الحفلة ويمشى

بس لف لشيريش ومسكه قعده على حاجة زى كنبة كده بالعافيه ونزل ضرب

ف وشه ...

وجه سنجاى دات حاش بينهم و شيريش اتبادل هو و شاروخان كلام وزعيق

وشاروخان راح مديله بالقلم على وشه  ولما سنجاى جه يحوش شيريش

.. راح شيريش زقه جامد ..راح سنجاى لسعه قلم كمان 

الحاجات دى حصلت كانت الساعة بتاع 4:15 الصبح وبعدها شاروخان مشى

وساب الحفلة 

و فرح خان صرحت ف الاعلام وقالت ان جوزها معملش اى حاجة تستفز

شاروخان للدرجادى وانه حتى مكنش يعرف ان شاروخان ف الحفلة 

وقالت ان شاروخان دايما بيقولها ان الضرب او الخناق اخر حاجة ممكن تحل

مشكلة بين اتنين وانها حزينة جدا ومتفاجئه من تصرفه 

كان حاضر الحفلة دى تانى غير شاروخان اميشا باتيل و كاريشما كابور

وبريانكا شوبرا وابهيشك باتشان واجاى ديفجان وارشاد وارسى و فيفيك

اوبيروى وغالبا هما دول الشهود اللى الصحافة اخدت منها كلامها 

وطلع بعد كده شيريش ف الاعلام وقال ان هو مستفزش شاروخان ولا حاجة

ولا كان يعرف انه ف الحفلة من اصله 

وقال ان شاروخان ضربه فجأه ومن غير سبب وانه مدالوش فرصة انه يدافع

عن نفسه وان شاروخان كان معاه بودى جاردز و ان بيتحدى شاروخان لخناقة

قدام الناس كلها عشان يوريه انه اقوى منه وقال لشاروخان ان الراجل الضعيف

بس هو اللى يهاجم من الخلف ويضرب من الضهر 

بس الشهود من اللى حاضرين الحفلة قالوا للصحافة انه ده كله بطيخ ومحصلش 

المشكلة دى عملت شرخ ف صداقة فرح وشاروخان 

وكمان بعد ما رفض شاروخان انه يظهر ف فيلم Joker (2012) واللى كان من

انتاج فرح واخراج وتأليف شيريش 

لو تعرفوا المصور دابو راتنانى "كان حاضر الحفلة " ولما رجعكتب على تويتر انه

من غير تحيز هو بيدغم شاروخان 

وعلى عكس كل الشهود لكن فرح للاسف "هى مكنتش حاضرة الحفلة " بس

اخدت صف جوزها وزعلت من شاروخان شوية واتهمته بالنفاق وعدم الاحترام

و شاروخان كالعادة مبيردش زى سلمان " معرفش الناس دى مبتنطقش

تدافع عن نفسها ليه  كائنات غريبة  "

ما علينا  المهم كابتن شيريش اعلن ف الاعلام انه من كرم اخلاقه مش

هيقدم اى شكوى ف الشرطة عن شاروخان 3

لكن عارفين .. شاروخان لما كتب على تويتر بعدها وكان متوقع انه هيتكلم

عن الحفلة واللى حصل فيها لكن منطقش وتجاهل كل اللى قاله شيريش ف

الاعلام و سقعله 3

ساجد خان "اخو فرح خان " قال بعد كده ان مشكلة شاروخان وفرح دى هبل

منهم هما الاتنين وهو متأكد انهم مش هيقدروا يتخاصموا اصلا 

وفعلا اتصالحوا فرح وشاروخان وبعد ما اتصالحوا قالت فرح ان المشكلة دى

علمتها درس كبير ف الحياة وانها قدرت تعرف ان صداقتها بشاروخان لا تقدر

بثمن بالنسبة ليها  وان صداقتهم دلوقتى اكبر واقوى من اى وقت فات 

ودلوقتى بتقول انها مش هتعمل اى فيلم تانى من اخراجها من غير شاروخان 

حتى فيلم هابى نيو يير ده شاروخان كان مشغول جدا وعمال يأجل فيه اديله 3 سنين لما

كانوا زعلانين مع بعض .. ولما اتصالحوا وافق يبدأ فيه رغم انه مشغول بس وافق عشان

ميزعلش فرح

بس المشاكل دى كلها طبعا عدت وخلصت وزى ما فرح قالت ان تأثير

المشاكل دى على صداقتها مع شاروخان دلوقتى زى الكوبرى اللى بتمر من

تحته المية 

صداقتها هى وشاروخان الكوبرى والمشكلة اللى حصلت هى المية وان

المياة عمرها ما تقدر تهد الكوبرى 

كان كلام جميل من فرح 

عارفين ايه الاختلاف البسيط اللى بين مشكلة شاروخان مع سلمان اللى

استمرت فترة مش قليلة والمشكلة بتاعة شاروخان وفرح وجوزها اللى تقريبا

مستمرتش كتير يعنى كانت زوبعة ف فنجان ...

الاختلاف الوحيد ان فرح وشاروخان اتناقشوا واتعاتبوا وواجهوا المشكلة

فاتصالحوا ورجعوا 

لكن مع سلمان بعد الخناقة كل واحد اخد جنب بعيد عن التانى وتحاشاه وده

غلط

اهم حاجة ان ده كله اتحل دلوقتى ولسه صداقة شاروخان و فرح من اقوى

الصداقات ف بوليود 

كان من فترة مهاديها عربية غالية اووى 3

تعتبر فرح الست الوحيدة اللى جورى مش بتغير منها على شاروخان

فى صورة ليهم مالية تويتر قريب و فرح قاعدة على رجل شاروخان ومفطساه