العلاقة بين ديبكا بادكون ورانبير كابور

هنتكلم النهاردة عن علاقة دبيكا بادوكون ورانبير كابور "فتى بوليود المدلل " 

العلاقة دى بالذات ملخبطة والاعلام طلع عليها اشاعات وحقائق واخبار و قصص وحواديت لما شبعوا 

هما ارتبطوا بعد فيلمهم Bachna Ae Haseeno الفيلم كان ناجح جدا و كانت اول مرة يمثلوا مع بعض 

المهم انها ارتبطت بيه وحبته جدا وعلاقتهم كانت كويسة لدرجة ان الاعلام قال انهم ممكن يعلنوا الخطوبة لكن للاسف هما اعلنوا الانفصال بعدها بسنة تقريبا 

بداية ارتباطهم كانت ف 2008 تقريبا 

الاتنين وقتها كانوا شباب جديد ف بوليود لسه وجوه جديدة يعنى 

ورانبير كان لسه خارج من علاقته بسونام كابور بعد فيلمهم مع بعض Saawariya و كان هو وهى بيلسنوا على بعض ويحدفوا بعض بالكلام ف وسائل الاعلام بس مش موضوعنا هبقى احكيلكم بعدين 

ودبيكا كانت لسه بنت صغيرة وحيدة عايشة ف مكان لوحدها بعد ما سابت بيتها واهلها ومدينتها بنجلور عشان تيجى تمثل ف بوليود 

هى كانت وحيدة ملهاش حد خصوصا انها مش من عائلة سينمائية ولا حاجة يعنى مكنش ليها صداقات ف بوليود ولا قرايب عايشين معاها 

وعلى لسانها ... قالت انها ف اول ارتباطهم اصحابه بقوا اصحابها و الحاجات اللى بيحبها بقت هى بتحبها و ارتبطت بيه ارتباط قوى 

مين بقى كان مراقب الليلة دى من بعيد 

ام رانبير "نيتو سينغ " اللى رفضت علاقة رانبير ودبيكا بشكل نهائى 

بس رفضها مكنش هو سبب انفصالهم يعنى صحيح رانبير بيسمع كلام امه دايما والاعلام مسميه Mumma's boy بس برضه ده مكنش السبب 

جه رانبير بعد حوالى 5 شهور من ارتباطهم وخانها وهى كانت هتسيبه لكن قعد يترجاها ويعتذرلها لحد ما سامحته هى اصلا مكنتش متخيله حياتها من غيره 

المهم بعد ما سامحته اخدته لحفلة عيد ميلاد كاترينا كيف "الحفلة المشئومة " هى دى الحفلة المشهورة اللى بتاعة خناقة شاروخان وسلمان وببرضه هحكيلكم عنها بعدين " 

المهم ان دبيكا اخدت رانبير وعرفته على كاترينا 

دبيكا كانت زى اى بنت بتحب الشخص اللى مرتبطة بيه انه ميبصش لواحدة تانية فعشان هو يعمل كده هى بقت تعمل كده عشان يعمل زيها 

راحت قطعت مع معظم الشباب اللى يعتبروا اصحابها زى نيهار بانديا ويوفراج سينغ وكان نفسها ان رانبير كمان يعمل كده و يقطع علاقته بالبنات وكده لكن ده محصلش هو ف الاخر شاب وعايز حريته ومساحته الخاصة 

ودبيكا عملت تتاتو بحروف اسمه RK على رقبتها و كانت بتصرح ف الاعلام ان علاقتها برانبير حولتها لانسانة واثقة ف نفسها و انها تبقى شخصية اجتماعية 

المهم الناس كلها بقت تقولها ان علاقتها برانبير دى ملهاش مستقبل لانه مش هيتجوزها عشان والدته رفضاها وان هو بيخونها بس هى كانت متخيلة انها مش لازم تسمعلهم وانها لازم تثق فيه اكتر من كده وياريتها ما وثقت 

بدأت كاترينا ورانبير علاقتهم تتطورت وبدأت دبيكا تقلق وده كان المسمار الاخير ف علاقتها برانبير واللى خلاهم انفصلوا 

اثناء تصوير فيلم Raajneeti فى بهوبال راحت دبيكا مكان التصوير وفضلت هناك بتاع اسبوعين من االتصوير 

واول ما رجعت من هناك اعلنوا انفصالهم علطول 

طبعا منعرفش ايه اللى حصل ولا ايه اللى دار بينهم بس هو مش محتاج تفسير الحقيقة

ارتبطت بعد كده دبيكا بناس تانية و شالت اسمه من على رقبتها مؤخرا 

و قالت ان دى كانت تجربه صعبة ف حياتها وانها اتعلمت منها كتير رغم انها تقريبا لسه بتحبه 

وقالت ان دى اول مرة حد يخدعها وانها حاولت تثق فيه بس قفشته متلبس :/

وانها غبية عشان اديتله فرصة تانية قبل كده وان مفيش حاجة ممكن تخليها ترجعله تانى :D

بس هى خلاص صفحة واتقفلت 

هى ورانفير اتفشوا من كام يوم ف اسبانيا مع بعض بعد ما سافرتله ف تصوير فيلمه الجديد بعد واااااابل من الاشاعات اللى قالها الاعلام عنها وعن رانفير بعد فيلمهم Ram-Leela بس من الواضح انها مكنتش اشاعات ولا حاجة 

حاجة واحدة بس متأكدة منها ف الحكاية دى ان رانبير خسر كتير لما سابها 

هو حاليا مرتبط بكاترينا كيف ... شوية يفركش معاها وشوية يرجعلها وبرضه هحكيلكم بعدين 

حاجة عايزة اقولهالكم ف الاخر كده 

متخليش قصة حياة اى ممثل او تصرف ليه يتحكم ف انك تحبه او تكرهه .. هو ف الاخر بنى ادم بيغلط و يخطئ عادى هما ف الاخر بشر

وحاجة كمان عجبانى اوووى فيهم انهم فاصلين حياتهم الشخصية عن شغلهم .... يعنى بالرغم انهم منفصلين الا انهم عملوا مع بعض فيلم Yeh Jawaani Hai Deewani وكمان هيعملوا فيلم مع بعض ف 2015 

واهى ف الاخر قصة حب من قصص حب بوليوود اللى مش هتخلص ابدا