الانفصال بين بيباشا باسو و جون ابراهام

الانفصال بين بيباشا باسو و جون ابراهام  

هنتكلم عن اتنين مهمين وانفصالهم كان مشهوور اووى برضه 

اتنين ثنائيتهم ف الافلام كانت كويسة و الكيمياء ما بينهم لفتت الانتباه بشكل واسع 

هما عملوا افلام مع بعض زى Jism و Aetbaar مع اميتاب باتشن و Madhoshi و Dhan Dhana Dhan Goal و انا مشفتش ولا واااحد منهم حتى 

بيباشا عرفت جون اصلا اول مرة ف تصوير فيلمهم Jism كان ف سنة 2003 وكانت هى لسه سايبة حبيبها الاولانى اللى هى مرتبطة بيه من سنة 1996 وكان بيمثل قصادها ف فيلمها Raaz وكان اول فيلم تنجح فيه بيباشا "اللى هو راز " وغالبا هى لما نجحت قالتله طريقك اخضر و ادته استمارة 6 سنة 2002 "بعد الفيلم  " .... وبعدها اتعرفت على جون ابراهام ف 2003 فى تصوير فيلمهم وارتبطت بيه وانفصلوا ف سنة 2011 "اول السنة  هو كان فى مشاكل بينهم سنة 2007 بس هما اتخطوها هكيلكم كمان شوية 

انفصلوا ليه بقى  ده مكنش معروف فوقتها 

بس هو بعدها علطول طلعت عليه اشاعات مع دبيكا بادوكون ... فى تصوير فيلمهم Desi Boyz و الاعلام شافوه معاها اكتر من مرة خصوصا كمان ان دبيكا بعد ما سابها رانبير فضلت مقضياها فترة ... وطلع عليها اشاعات مع يجى اربعة   وبيباشا كمان قالوا انها ماشية مع واحد اسمه جوش هارتنت ... لكن من قريب هو اتجوز واحدة مش ممثلة اسمها بريا رانشال وهو كان يعرفها من ديسمبر 1010 بس اتجوزوا من قريب ... وكان خبر جوازة منها مفاجئة كبيرة لبوليود  

وبيباشا كمان ارتبطت بالكابتن هارمان باويجا " كان حبيب بريانكا شوبرا من قبل كده " ... ارتبطت بيه بيباشا ف 19 فبراير 2014  وبقى وجود الثنائى ده مع بعض تانى من المستحيل خصوصا بعد ما مشاكلهم الشخصية اثرت على رومانسيتهم ف تصوير فيلم Dhan Dhana Dhan Goal  

اما بقى اسباب الانفصااال ده كان ليها اسباب كتيرة اوووووى ... حسب اللى اتقال انهم كانوا منفصلين وكل واحد فى طريق من قبل انفصالهم الرسمى ف 2011  

وان علاقتهم كانت غير مستقرة تماما وانهم كانوا كل شوية يسيبوا بعض ويرجعوا تانى زى الاطفال  

المهم ان اسباب الخناقة دى كانت مجهولة وكانت بيباشا بتنكر انهم متخانقين وكالعادة جون بيسكت ... كان تقريبا مش بيتكلم عن علاقتهم بشكل وحش 

بس قالوا ان السبب كان صورة بيباشا وهى بتبوس كريستيانو رونالدو  بس بصراحة كان سبب غير مقنع يعنى 

يمكن كانت الغيرة  بس لما سألهم كاران جوهر ف 2005 اذا كان كل واحد فيهم بيغير ع التانى من المعجبين او كده ... بيباشا ردت وقالتله ان ده مش ممكن يحصل لان ده شغلهم وهما عارفين ده كويس 

واتقال كمان ان سبب انفصالهم هو ان جون كان عايز يتجوزوا عشان يستقر ... وهى موافقتش ع الجواز ورفضت الجواز عشان تركز على شغلها اكتر وتكون ناجحة ... واتهمته كمان بالفشل وان افلامه مش بتححق نجاحات تجارية 

بيباشا من النوع اللى بيرغى كتير ف الاعلام وترجع تندم وتنكر  لكن جون مكنش بيتكلم خاااااالص ... ودايما الاخبار كانت بتوصل للاعلام عن طريق الناس القريبة منه مش على لسانه شخصيا 

فى فيلمهم Dhan Dhana Dhan Goal الناس كلها كانوا عارفين انهم مرتبطين بس حصلت مشكلة .... والمشكلة اثرت على تصوير الفيلم ... الاغنية الرومانسية اللى كانت ف الفيلم عملوها بالعافية بعد ما المخرج طلع روحه عشان يخليهم رومانسيين ويطلعوا بيحبوا بعض ومدرب الرقصات راح مزعقلهم ... وراحت بيباشا قالتله ان مش ذنبها ان مبقاش فى حب وبعد كده انكروا الكلام ده كله ورجعوا يظهروا مع بعض تانى ويبينوا انهم عاديين جدا ومفيش حاجة 

وبعد كده بيباشا طلعت ف الاعلام واتهمته انه خااانها مع الست اللى هى مراته دلوقتى وده كان قبل انفصالهم بقليل 

جون كان متضايق جدا وقال انها كده بتحط المسمار الاخير ف نعش علاقتهم بس كالعادة مبينطقش قدام الاعلام :/ رغم انها كانت ف الوقت ده طالعة عليها اشاعات مع جوش هارتنت بس هو منطقش
لحد ما وصل لبيباشا اخبار عن ان جون هو السبب ف استبعادها من فيلم سنجاى جوبتا اللى هى كانت عايزة تخده وطبعت هى صدقت وعملت مشكلة  

وهو كان خلااص على اخره منها "الجردل بتاعها اتملى وفاض  " وانفصلوا رسمى 

هو اتجوز وهى مصاحبة هارمان باويجا