بريتى زينتا وشاروخان
فير وزارا ... نينا وامان ... احلى غمازات على الشاشه البوليوودييه ... كانت بريتى زينتا من النجمات اللى دعمهم شاروخان فى بداية مسيرتها الفنيه .. وكان ظهورها الاول فى فيلم
Dil Se
وكانت لسه وجه جديد .. وكان ديل سي اولى خطواتها للنجوميه ..
وبعد كدة قدمت مع شاروخان اسطورة العشق الابديه
Kal Ho Naa Ho
تالت فيلم فى سلسله الـ 4K لكاران جوهر .. الفيلم الخالد اللى حطمنا كلنا .. ولحد انهارده الفيلم دة حى .. وتقريبا بنتفرج عليه بشكل اسبوعى ..
وبعد فتره قدمت معاه الرائعه
Veer-Zaara Official
تالت اخراج لياش راج تشوبرا .. مع شاروخان .. والفيلم العبقرى اللى دخل كلاسيكيات بوليوود رغم انتاجه فى عام 2004 .. بالمناسبه الفيلم دة كمل حوالى عشر سنين دلوقتى
وجمعهم اخر فيلم سوا واللى نال لقب لقاء العمالقه .. وكان رابع واخر فيلم فى مجموعة الـ 4K لكاران جوهر
Kabhi Alvida Naa Kehna
ودورها اللى اثار جدل ما بين التعاطف والسخط .. وشخصياً كنت من اكبر المتعاطفين معاها وعشقتها ..
الكيميا بين شاروخان وبريتى زينتا ملهاش مثيل .. وكلنا بنتمنى ان يجمعهم فيلم خامس .. يمتعونا فيه بلمسه رومانسيه تضاف للألبوم دة ..