تقرير عن عامر خان

تقرير عن عامر خان - أمير خان
عاااامر خان من الممثلين اللى يوديك البحر ويجيبك عطشان
من الممثلين اللى يجبرك حتى لو مبتحبوش فانت هتحترمه
عامر ف بوليود عاملينله بوكس اوفس ع جنب
بيعمل الارقام القياسية و هو اللى بيكسرها برضه
المرة الاولى اللى اخرج فيها اخد جايزة احسن مخرج
حتى اسمه الناس بتتلخبط فيه وهتفضل تتلخبط ف اسمه ناس تقول " امر " ناس تقول "عامر " وناس تقول "امير" وكل واحد بيقول اللى يعجبه انا شخصيا بحب امير
الرااااجل ده يعتبر من الاساطير ف بوليود كلها مهما حااااااولت توصفه بكلمات مش هتلاقى اى كلمة زى انه عبقرى او لاسع مهى الدماغ اللى تطلع الافكار وتعمل الافلام لازم تبقى دمااااغ عالية
هو الممثل الوحيد اللى قدر يحقق المعادلة الصعبة لان معجبين كل الممثلين بيحبوا افلامه
وتقريبا برضه مفيش فيلم من افلامه فشل
اكتر حاجة بتعجبنى ف عامر انه بينافس نفسه مش حد تانى وانه خارج المنافسه او المقارنه مع اى حد تانى
اكتر ممثل بياخد وقت ف صنع افلامه ساعات بيوصل فيلم يتيم ف سنة ونص
اللى بيحبوا الافلام الهندى بينقسموا ل3 انواع
نوع عامر خان ممثلة المفضل والوحيد
و نوع تانى مش ممثله المفضل لكن بيحب افلامه
والنوع التالت مش بيحبه خاااالص وده بيكون مشافش افلام ليه قبل كده او شاف افلامه بس مغزى الفيلم مش بيوصله او هو مش بيحب عامر من الباب للطاق
افلام عامر خان بتخليك تتمسمر قدام الشاشة من اول ما يبدأ الفيلم لحد ما يخلص عشان تحاول تفهم وبررضه مفيش
افلامه من الافلام اللى مش بتخليك مجرد مشاهد بس لا ده انت بتقعد تفكر معاه فى الفيلم وتحاول توصل لحل فى المشكلة بتاعته وتحاول تتوقع النهاية و ف الاخر تلاقى نهاية تانية
افلامه لازم تتشاف اكتر من مرة عشان تقدر تستوعب مغزاها كويس او على الاقل لو شفت الفيلم تانى مش هتحس بملل ابداا
عامر اخد القاب كتير منها Mr. Perfectionist و The Choco Boy و توم هانكس الهند devil emoticon grin emoticon
نبدأ بقى من الاول
صلوا ع النبى
الاسم : عامر طاهر حسين خان
تاريخ الميلاد : 14 مارس 1965 "برج الحوت زيى
برج الحوت ده برج العظماء عامر وشاهد وانا
" كمل النهاردة 50 سنة ولسه وشه فيه الطفولة ع راى ادمن بوسى
الطول : 168 سم
الوزن : 70-74 كيلو جرام وعشان فيلم دانغال الجاى تخن 22 كيلو
مكان الميلاد : باندرا "مومباى "
الديانة : مسلم
المهنة : ممثل ومخرج ومنتج وكاتب
بيفكرنى بسلطان ف مسرحية العيال كبرت لما كان بيقول رحت المدرسة وفتحتلى ودرستلى وزعقتلى وطردتنى
اهو عامر خان كتير بيعمل كده
امه : زينات حسين
ابوه : طاهر حسين وكان منتج افلام وعمه ناصر حسين من عيله السياسى المسلم ابو الكلام ازاد وابن عمه كان رئيس سابق اسمه راجيا سابها
"محدش يألش ويقولى سابها ليه "
المثل الاعلى : غاندى
بدأ التمثيل ف سن 8 سنين فى افلام زى " يادون كي بارات ومدوش " و ساب التمثيل بعد كده عشان يلعب تنس ف فترة المراهقة وبعدين رجعله تانى وهو عنده 23 سنة
رينا دوتا تبقى مرات عامر الاولانية
هى كانت جارته
شافها و حبوا بعض وقرورا بعض لكن لا اهلها ولا اهله كانوا موافقين طبعا بسبب اختلاف الاديان
هما صمموا يتجوزوا وهربت من اهلها عشانه و اتجوزوا ف السر ف 18 ابريل 1986 وشوية وعيلته قبلتها
وفضلوا متجوزين 16 سنة وانفصلوا انفصال محترم جدا ومن غير فضايح سنة 2002
اسباب طلاقهم الاعلام حاول كتير يعرفها وكانت من ضمنها انهم قالوا انها اتطلقت بسبب فضيحة عامر مع الصحفية الانجليزية
ف اواخر التسعينات كده وبداية الالفينات ظهرت صحفية انجليزية قالت انها
اتعرفت على عامر خان ف لندن اثناء تصوير فيلمه Ghulam وهو فعلا الصحافة
كانت صورته معاها اكتر من مرة ...وقالت ان حصلت بينهم قصة حب وعلاقة
وانها بالفعل كانت حامل وان عامر طلب منها تجهض الولد وهى مرضيتش
وكانت فاكرة ان الولد ده هيقرب ما بينهم والكلام الفارغ ده لكن طبعا اول بدأ الخبر يتعرف عامر قالها معرفكيش ومشفتكيش ومش ابنى ولا اعرفه وطريقك اخضر
وهى راحت ردت عليه وقالتله لما ابنى يكبر هقوله ان ابوه مش بيحبك والكلام الاهبل ده وبعدها اختفت وطبعا القصة دى ممكن تكون حقيقة
وهى سبب طلاقه من رينا
وممكن تكون بطيخ ملهاش اى صله بالحقيقة زى ما عامر قال وصرح بكده وقتها
وكمان كان فيه علاقة قبل كده ليه مع بوجا بهات واصلا عامر كان متعدد
العلاقات وهو صغير ومقطع السمكة وديلها
مامتا كولكارني و بوجا بهات و توينكل خانا وراني موخيرجى و راشيل شيلي وناس كتير طلع عليه اشاعات انه على علاقة بيهم
عندهم ولد وبنت " جنيد و إيرا " وايرا بنته اشتغلت فى الانتاج فترة وكانت منتجة لفيلم لاجان "فيلم ابوها بقى
والواد ابنه اشتغل مساعد مخرج ف فيلم PK ‏‎
نرجع لعامر
فضل بعد الطلاق حوالى سنتين مش بيشتغل
اثر الطلاق كان كبير ف حياته .. لحد ما قابل كيران راو "مراته لحد دلوقتى "
وحبها واتجوزها ف 28 ديسيمبر سنة 2005 ‏‎ "هييييه "
لو متعرفوهاش فهى منتجة و مخرجة و كاتبة " فنانة كشكول يعنى " كانت مساعدة مخرج فى افلام زى Saathiya و Swades: We the People
وانتجت افلام Talaash - The Answer Lies Within و Tare Zamee Par والاتنين كانوا بطولة عامر خان ومن احسن افلامه
وكانت قبلها كيران بتشتغل مساعدة مخرج ف فيلم Lagaan واتجوزوا وفضلت كيران يا عين امها تحمل وتسقط وتحمل وتسقط
لحد ما بعد معااااناااه خلفت ولد وهى اللى سمته ازاد
ولاد عامر الاتنين مكنش عندهم اى مشاكل تجاه جواز ابوهم التانى
نرجع بقى لافلامه
عامر خان انتج افلام زى " Lagaan و Tare zamen par و Jaane Tu... Ya Jaane Na وكان فيه اول دور لعمران خان ابن اخته " وعنده شركة انتاج اسمها aamir khan production D
وكان مخرج فيلمه Tare zamen par واخد عليه جايزة احسن مخرج وفيلمه Qayamat Se Qayamat Tak كان هو كاتب القصة
وغنى بصوته ف افلام زى " Fanaa ف اغنية تشاندا تشامكي و فيلم Tare zamen par و فيلم mela و Ghulam و The Rising : Ballad of Mangal Pandey و Rang De Basanti
اترشح لجواااايز كتير اووووووى واخد جووايز كتيره برضه
ومينفعش نقول عامر خان الا لما نفتكر شوية من افلامه زى فيلم ‪#‎fanaa‬ والعياط اللى عيطناه فيه و 3idiots و Ghajini و Rang De Basanti و Dil Chahta Hai و Raja Hindustani
اول فيلم نجح لعامر كان فيلم دل سنة 1990 مع مادهورى ديكشت
واثبت انه فعلا موهوب فعلا لما عمل فيلم رانجيلا سنة 1995 مع المخرج رام جوبال فارما
نجاحه الكبير كان ف فيلم لاجان سنة 2001
والفيلم ده محدش كان راضى ينتجه لحد ما عامر خان هو الوحيد الذي قبل فكرة انتاج الفيلم وعمل شركة انتاج لنفسه انتج الفيلم من خلالها
الفيلم حقق نجاحا داخل الهند و خارجه وخد جايزة من الاوسكار
بعد نجاح فيلم فرحان أختار dil chahta hai غاب عامر عن السنيما لمدة أربع سنين
ورجع تانى لبوليود بفيلم the resting سنة 2005
وكان بيحكى عن الاستعمار و في سنة 2006كان فيلمه rang de basanti لراكيش أوم براكاش ميهرا وده ف نظرى من افضل افلامه واكتر فيلم بحبهوله
وبعد كده فيلم فانا ونجح جدا و كان رجوع الملكة كاجول للسنيما.
وف 2007 عمل عامر فيلم taree zameen par وكان من بطولته واخارجه
واللى من بعده عرفت ان تعليمنا فاشل ومش بس تعليمنا تعليم دول كتير زينا فى مدرسين كتير بعد ما شافوا الفيلم ده عرفوا دورهم الحقيقى ..
و نجح الفيلم في شباك التذاكر و خد جايزة احسن فيلم فيلمفير وخد عامر جايزة فيلمفير كأحسن مخرج زى ما قولت ف الاول
في 2008 مثل عامر فيلم ghajini ونجح جدا في البوكس أوفيس و هو فيلم مقتبس من فيلم جنوبي بنفس الاسم
وبرضه فيلم3Idiots
اللى خد شهرة عالمية وحقق اعلى الارباح
وفيلم Talaash مع رانى موخيرجى وكارينا كابور خان ‏‎
وطبعا فيلم Dhoom 3 السنة اللى فاتت اللى كان من انجح افلام السنة... وكان اول البوكس اوفس
واخيرا فيلم PK مع انوشكا شارما فيلم 2014 واللى برضه ايراداته كانت اول البوكس اوفس
دى الافلام اللى انا فاكراها
عامر اترشح كذا مرة ف حفلات الجوايز لكن عمره ما حضرها انتوا عارفين ان رايه فيها انها كذب وبتتاخد بالحب
سنة 2007 كانوا عايزين يعملوله تمثال من الشمع في متحف مدام توسو في لندن . ولكنه رفض وقال ان الحاجات دى متهموش والناس لو عايزة تشوف افلامه هتشوفها
من الحاجات اللىى دايما بيقولها انه بيحب يكون ليه طريقه المستقل ف بوليود وده واضح طبعا
وبرضه انه مبيعملش حاجات مختلفة ابدا هو بس بيعمل الحاجات بشكل مختلف
وبرضه انه مهتم اكتر بعمليه صناعة الفيلم اكتر من اهتمامه بالفيلم ف شكله النهائى ف الاخر
عمل ثنائيات حلوووة حدا مع جوهى تشاولا ومادهورى ديكشت و كاجول وكارينا وغيررررررررهم
و طبعا برنامجه المعرروف Satyamev Jayate اللى برضه اخد عليه جوايز كتير
عامر كان ف مدرسة Bombay Scottish وساب الدراسة ف الصف ال 12
ابو عامر خان من بهوبال وامه من بناراس لكن كانوا عايشين ف لكناو واصول جدود عامر من شاه اباد واصوله بترجع لافغانستان
عامر ليه اخين واخت
الاخت دى ابنها يبقى عمران خان
من هوايات عامر سماع الموسيقى والاغانى القديمة و ماتشات الكريكت و العمل الاجتماعى والخيرى
بيكره الفساد والكدب
اصدقاءه ف بوليود سلمان خان وجوهى تشاولا ورانى موخيرجى
ممثله المفضل ديليب كومار و اوم بورى وممثلته المفضلة وحيدة رحمان و مادهوبالا وكارينا كابور خان
اكلته المفضله اكله اسمها الموغلاى والفراخ المشوية
ورياضاته المفضله التنس والكريكت
والتنس بالذات لانه وهو صغير فاز بجايزة كبيرة ف التنس
عامر بيشرب ساعات وزمان كان بيدخن وقال كمان انه ساعات كان بيدخن ف اليوم الواحد 40 سيجارة لكن دلوقتى بطلها
عامر خد اول جايزة من الفيلم فير عن فيلمه Raja Hindustani سنة 96
ثروة عامر كلها حوالى 180 مليون دولار
‫#‏اللهم_لا_حسد‬
بياخد ف الفيلم الواحد 40 كرور والاعلان 4 كرور
مهما قولنا وحكينا عن عامر خان برضه مش هنلاقى كلمة احسن من عبقرى
ف ابريل 2013 مجلة تايم حطته من ضمن الاشخاص ال 100 الاكثر تاثيرا ف العالم
وكده خلاص خلصت