Saif Ali Khan Report
النهاردة عايز اكلمكوا شوية عن سيف على خان
رغم انى كنت قايل انى مش هتكلم عن اى حد من الخانات خالص عشان كلكوا ما شاء الله عارفين عنهم كل حاجة ويمكن اكتر منى كمان
سيف واحد من النجوم المشهورين برضه وليهم مكانه وتاريخهم مليان افلااام كتيرة اوى
بس برضه مش واخد حقه فى الشهرة والمكانة
وزى ما فى ناس متعرفش عن ابهيشك غير انه ابن اميتاب باتشن ومتجوز ايشواريا راى وكان ليه دورمساعد مع شاروخان فى فيلم Kabi Alvida Na Kehna
برضه فى ناس متعرفش عن سيف غير انه ابن منصور خان من اشهر لاعبى الكريكت فى الهند "زمان طبعا" وانه متجوز كارينا كابور و عمل دور مساعد لشاروخان فى فيلم Kal Ho Naa Ho unsure emoticon
فى الاول احب احكيلكوا عن تاريخ عيلته لانه زى ابهيشيك برضه عيلته عريقة والناس بتحسده على اسمه الاخير
بس طبعا سيف بيمثل من قبل ابهيشيك بكتير .. بداية سيف كانت سنة 1992 فى فيلم Parampara
بس عراقة عيلة سيف فى السياسة والرياضة
عيلته بتحكم ولاية اسمها "Pataudi " يعنى يعتبر من سلالة الملوك
ولو قعدت احكيلكوا عن تاريخ عيلته يبقى مش هنخلص
نبدا بقى من الاول
الاسم : سيف منصور على خان " كان اسمه ف الاول ساجد بس غيروه لسيف بعد الولاده ب 3 اسابيع "
تاريخ الميلاد: 16 أغسطس 1970 "44 سنة وداخل ع ال 45 بس مش باين عليه "
مكان الميلاد : نيودلهى الهند
الجد: افتخار على خان " كان لاعب كريكت مشهور جدا ف الهند ولعب ف منتخب انجلترا وكان كابتن فريق الهند "
الاب: منصور على خان "كان برضه لاعب كريكت مشهور وكان كابتن المنتخب الهندى للكريكت "
اامه الممثلة الهندية شارميلا تاغور و كانت رئيسة
الرقابة على الافلام الهندية وبعد ما اتجوزت منصور على خان اسلمت
وبقى اسمها عائشة
اخواته : صبا على خان " مصممة مجوهرات "
وسها على خان " واشتغلت عارضة ازياء وبعد كده مثلت وطبعا اشهر ادوارها اللى اخدت عليه جوايز كتيرة كان دورها فى فيلم
سيف كان عايش ف اجواء مسلمة وقراية قرءان وجدته كانت هى مصدر معرفته الدينية كلها هو اللى قال كده
ودخل بعد كده كلية وينشستر فى بريطانيا وبيتكلم انجلش وبنغالى وهندى
وبعد كده اتجوز من امريتا سينغ وكانت اكبر منه ب 12 سنة وفضلت مراته 15 سنة وعندهم سارة وابراهيم
بدأ سنة 1992 بفيلم parampara زى ما قلتلكوا فى الاول وعمل افلام كتيرة اوووى لحد سنة 2000 فى منها نجح وفى منها لاء .. بس كان اشهرهم Aashiq Awara و Main Khiladi Tu Anari و Imtihaan و Kachche Dhaage و Hum Saath-Saath Hain بس كان اكتر واحد نجح كان فيلم Kya Kehna
لكن شهرته زادت جدا بعد فيلم DCH Gang مع بريتى وعامر خان
وبرضه فيلمه مع بريتى وشاروخان kal ho naa ho
سلسلة افلامه مع شركة ياش راج كان منها ناجح ومنها لاءوهما افلام Salaam Namaste و Thoda Pyaar Thoda Magic و tashan
ومن انجح افلامه كان Love Aj Kal و Race و Race 2 و Cocktail (2012 film) و Agent Vinod و Qurbaan
طبعا لو قعدت اقولكوا على كم الجوايز اللى واخدها يبقى مش هذاكر المادة الجاية
بس اشهرها كانت جوايز الفيلم فير لافضل ادوار الكوميديا
وف 18 فبراير سنة 2207 نقلوه المستشفى ف مومباى عشان كان عنده وجع كبير ف صدره حس بيه وهو بيتمرن على العرض بتاعه ف حفلة من حفلات الجوايز وكان المفروض ان العرض ف نفس اليوم ومن بعدها وهو بطل السجاير
سيف منتج وعنده شركة انتاج اسمها Illuminati films
واخيرا واللى محدش يعرفه غيرى انه اتجوز كارينا كابور سنة 2012
وحاليا مع دبيكا بادوكون