النهاردة عايز اتكلم معااكوا شوية كده عن شااهد كاابور
انا شفت كل الافلام اللى عملها شاهد عشان كده هكلمكم عنه كويس
اصل انا متابعه من زمان اوى
بصوا اللى يتفرج على افلام شاهيد بيحس بحاجات مختلفة كلها عكس بعض شوية تحس انه عبقرى وانه فعلا من احسن الممثلين وان الموضوع مش وسامة وبس بالنسباله وانه فعلا هيبقى شاروخان القادم
وتيجى تبص على بعض الافلام تلاقيها ملهااش لازمة ... او عشان نكون اوضح الفيلم بيفشل فعلا لكن الناس والنقاد تلاقيهم بيقولوا ان ادؤاه كان كويس جداا وحلو اووى لكن الفيلم ككل مش حلو فتقلق عليه عشان مش عارف يستغل نفسه ولا يختار كويس
وبعد كده تيجى تشوف Jab we met او kaminey او vivah او Shikhar
تطمن وتقول لاء ده جاامد وميتخافش عليه
تيجى تشوف R.raj kumar تقوم تتغاظ منه
وتشوف mausam تنبهر بيه وبدوره وتخاف يقع من ع العجلة بتاعة الملاهى
تبص على افلامه فى المجمل تلاقى فى منها مش بينجح خالص فتقلق تانى ... بس تقول لنفسك ما شاروخان وسلمان نفسهم عملوا افلام متتشافش وهما صغيرين وان الله حليم ستار وربنا هيكرمه ان شاء الله
تيجى تبص تلاقى رانبير وعمران هيغطوا عليه ده غير جيل الشباب "ارجون وسيدارث و اديتيا و فارون وايوشمان " فتقلق تانى
تيجى تشوف اللوك بتاع فيلم haider و القصة والاداء وكم الجوايز اللى خدها تتفاءل وتطمن انه هيكسر الدنيا قدام
وهكذا وهكذا لحد ما هيجيبلى الضغط والسكر بس ولا يهمه
نبدأ بقى
الاسم : شاهد كابور او (شاهد ختار ) وده اسمه فى البسبور
تاريخ الميلاد : 25 فبراير 1981 (برج الحوت زيى ^_^)
مكان الولادة :مومباى _ الهند " بس هو عايش فى دلهى دلوقتى ورا
البنزينة علطول
الديانه : مسلم "وده راجع انه اتربى مع امه "
الحالة الاجتماعية : هيتجوز شهر ستة الجاى
الالقاب: ال Choclate boy او sacha
بيحب الرقص والتمثيل و ده اكل عيشه وبيخاف من الطيران وعالج الخوف ده ف فيلم موسم
الاب : بانكاج كاابور
الام: نيليما عظيم
اتطلقوا وهو عمره 3 سنين وفضل عايش مع امه
درس ف مدرسة اسمها جيان بهاراتى ف نيو دلهى لحد ما وصل للصف الرابع وبعدين اتنقل منها لمدرسة تانية ف مومباى
دخل معهد دافار شيمال عشان يدرس مسرح سنة 95
عنده 3 اخوات بنت اسمها سانا كابور واخين ايشان وروهان
بداية شااهد انه ببساطة مكانش عايز اهله يساعدوه بما ان عيلته كانت بتشتغل فى السينما ..
كان نفسه يعرف هو ممكن فعلا ينجح لوحده ولا لاء .. كان عايز يتأكد اذا كان عنده موهبة فعلا ولا لاء
بدايته كانت فى الاعلانات " اشهرهم اعلان بيبسى اللى كان مع شاروخان ورانى موخيرجى وكاجول "
وبعد كده راقص خلفى فى اغنية ايشواريا راى
لحد اول فيلم ليه "اياااام البراءة " كان فيلم Ishq Vishk مع امريتا راو
شاهد اول ما شاف الاعلان بتاع الفيلم ده عيط والفيلم كان كويس اخد عليه جايزة افضل ظهور اول ووصفوه بالنجم القادم وكمان اتعمل استفتاء على احسن ممثل وشاهد خد 85 ف المية من الاصوات
وبعد كده فيلم Fida مع كارينا وفاردين خان .. الفيلم منجحش اووى لكن عجبهم دور شاهد
وبعدها فيلم Dil Maange More مع عايشة تاكيا وسهى على خان والفيلم نجح ودوره كان كويس بس قالوا انه بيقلد شاروخان
شاهد تقريبا كان بيتقدم فى كل فيلم عن اللى قبله
وبعد كده فيلم Deewane Huye Paagal و Vaah! Life Ho Toh Aisi! والاتنين تقريبا منجحوش وبعدهم كان فيلم Shikhar واللى كان دوره فيه حلووووو اوووووى والناس والنقاد اشادوا بيه
شاهد كان معروض عليه فيلم Rang De Basanti بس كان عنده افلام تانية وقتها
وبعد كده فيلم 36 China Town و Chup Chup Ke ودول نجاحهم كان معقول
وبعد كده فيلم الاشهر على الاطلاق Marriage Vivah مع امريتا راو
ونجح بعدها افلام كتير ليه زى Jab We Met و Kismat Konnection و Dil Bole Hadippa! و Kaminey
وبعد كده كان فيه Chance Pe Dance و Paathshaala و Badmaash Company ودول كان نجاحهم معقول يعنى لكن فيلم Milenge Milenge فشل خااااالص
وبعد كده فيلم Mausam و فيلم Teri Meri Kahaani والاتنين نجحوا نجاخ متوسط لكن كان فى اشاده كبيرة جدا من النقاد للدورين دول
وبعد كده طبعا الفيلمين بتوعه فى 2013 Phata Poster Nikhla Hero و R Rajkumar D والاتنين نجحوا فى شباك التذاكر على فكرة
واخيرااا فيلمه Haider واللى خد عليه كميه جوايز مخدهاش ف عمره كله وكان يستحقهم
اتقال عن شاهد ان عنده كل المواصفات اللى تمكنه انه يو صل لاعلى مكانة ف بوليود لان بيقدر يجسد لحظات الدراما والحب ف الافلام وكمان هو من احسن الراقصين ف بوليود ومش محتاج بس غير يعرف ينقى ادواره وتبقى على مستوى حيدر كده
طبعا امة لا اله الا الله كلها عارفة انه كان مرتبط بكارينا كابور و سابوا بعض فى سنة 2007
وبعدها طلعت عليه اشاعات علاقات محدش يعرف اذا كانت صح ولا غلط .. منها علاقتة مع فيديا بالان وبيباشا باسو و بريانكا شوبرا ونرجس فخرى و اخيرا سوناكشى سينها