Madhuri Dixit Report
لما نقول مادهورى ديكشت يبقى teezaab و ram lakhan و tridev و beta و dil و
sajaan و khalnayak و raja و parinda و hum aapke hain koun و dil toh pagal
hai و mrityudand و pukar و lajja و devdas ودول ميجوش حاجة لواحدة زى
مادهورى من اساطير بوليود على الاطلاق
ممثلة فضلت نجمة بوليود الاولى بتاع 15 سنة
احسن من وقفت قدام شاروخان وعامر وانيل كابور
وكمان انسانيتها متقلش كتير عن موهبتها ف التمثيل والرقص
ببساطه سموها ملكة التعبير
واخدت القاب تانية كتير اووى زى the bachan woman يعنى نسخة اميتاب بس واحدة ست وهى تستحقها
برضه اتسمت شاندرموكى شاروخان نسبة لدورها فى فيلم ديفداس وهى عملت معاه افلام تانية زى anjaam و koyla و dil toh pagal hai
لقبها التالت كان باسم اغنيتها داك داك كارنى لاجا مع انيل كابور ف فيلم beta
والقاب تانية كتير منها سندريلا بوليود وده اللقب اللى اتشهرت بيه عند العرب وصاحبة اجمل ابتسامة والقاااب تانية كتيررر
مادهورى من الفصيلة اللى مش بتكبر ولا بيبان عليها السن بالعكس
مادهورى اكتر واحدة عملت افلام تعبر عن المرأة ومشاكلها وتدافع عن حقوقها
دى كانت المقدمة
نبدأ بقى
الاسم : مادهورى شنكر ديكشت
تاريخ الميلاد : 15 مايو 1967 يعنى عمرها 47 سنة وداخلة ع ال 48 وهى من مواليد برج الطور
اتولدت ف مومباى ودرست ف جامعة مومباى وكان مجال دراستها هو ال micro biology وبطلت تمثيل من 2002 عشان اسرتها وولادها وجوزها
عندها ولدين اريان " 18 مارس 2003 " و رايان "8 مارس 2005" وبعد ما العيال كبروا شوية رجعت تمثل تانى سنة 2007 بفيلم Aaja nachle
بدايتها ف التمثيل كانت سنة 1986 بفيلم abdoh
لكمن بدايتها الحقيقية كانت مع انيل كابور وفيلم teezaab واللى اترشحت عن دورها فيه لجايزة احسن ممثلة فيلم فير
بس خدتها بعد كده عن فيلم dil مع عامر خان و beta مع انيل كابور و hum aapke hain koun مع سلمان واللى دورها فيه كان من احلى ادوارها وبرضه خدتها ف dil toh pagal hai و خدت احسن دور مساعد عن ديفداس
اخدت اللقب بتاع bachan woman ده بعد فيلمها raja مع سنجاى دات لان شهرتها ومكانتها زادت جدا من بعده
اكتر ما بيميزها انها احسن واحدة بترقص ف بوليود كفاية انها الوحيدة اللى بتعرف ترقص جنب برابهو ديفا مايكل جاكسون بوليود
وقت لما كانت مادهورى لسه بتبدأ ف التمثيل كانت شريديفى هى اعلى واحدة ف بوليود وكانت ف عز تكبرها وغرورها
وظهور مادهورى ونجاحها ادى فرصه كبيرة للمنتجين يضربوا بيها شريديفى وشوية بشوية غضت مادهورى على شريديفى وعلى ممثلات تانيين كتير وقتها
المهم بعد رجوعها سنة 2007 رجعت قطعت تانى لحد 2013 واغنيتها مع رانبير ف فيلم yeh jawaani hai dewani وكانت احلى اغنية ف الفيلم
وف 2014 كان ليها فيلمين dedh ishquiya و gulaab gang والاتنين فشلوا
سنة 2012 عملولها تمثال شمع ف المتحف العالمى ف لندن
مادهورى صاحبة الرقم القياسى ف جوايز احسن ممثلة
مادهورى واحدة من القليلين اللى الجمهور والنقاد اتفقوا عليها وهما قليل لما يتفقوا
دى بعض الاراء من بوليود ف مادهورى :
قال شاروخان انه لما اشتغل مع مادهورى اتعلم منها ان فيه عظمة ف العطاء وقال انها من اكتر الممثلين كمالا وشمولا ف بوليود وانها ممثلة بارعة ومحترفة ومتواضعة وانها ببساطة افضل ممثلة اشتغل معاها
وقال انيل كابور انه زعل لما مادهورى اتجوزت وانه مقدرش ف حياته دى انه يتقرب منها بس كان محظوظ انه اتقرب منها ف افلامهم
وقال ان من بين كل اللى اشتغل معاهم ان مادهورى اكتر واحدة هو حس انها بتكمله وبتكون معاه افضل ثنائى
رانى موخيرجى قالت انها عمرها مب بتحس بالملل وهى بتتفرج على مادهورى وهى بترقص
وكاترينا قالت ان رايها ان مادهورى ممثلة متكملة وموهوبة وجميلة ف نفس الوقت
فيبافى مدربة الرقص بتاعتها قالت انها لما كانت بتدى مادهورى الخطوات بتاعة اى رقصة كانت بتعملها افضل 100 مرة وانها من القليلين اللى كانوا بيحسوسها ان الرقص ده حاجة مش صعبة ولا متعبة
البرنس ملك الغم سنجاى ليلا بنسالى قال ان كل دقيقة مادهورى كانت بتمثل فيها ف ديفداس كانت زى الحلم بالنسباله واول مرة مادهورى رقصت فيها على اغنية mardala نزل على الارض وفضل يصفر ويصقف وان كل لحظة بالنسباله كانت مختلفة وتمنى انه يقدر يصور ف الاغنية سنة كمان وانه لما بيبصلها بيفضل يفكر اد ايه هى جميلة ولما بتبتسم ضحكتها بتخترقك زى الشمس
كاران جوهر قال ان مادهورى بتجمع صفتين ف رقصها : الخطوات والتعبير الروحى وانها بتضيف للرقصة اللى بترقصها وقال ان محدش ف بوليود يقدر يرقص ويعبر ف نفس الوقت زى مادهورى
"حد يجيبله كوباية لمون وشجرة هنا "