مانيشا كويرالا وشاروخان
لقبوها بملكة التراجيديا .. طبعاً وهو فى ممثله تقدر تعمل افلام تراجيدى زى مانيشا كويرالا ... يمكن من النجمات القلائل اللى قدروا يمثلوا دور "ارهابيه" ... وهذه الملكه قًدر لها ان تقف امام الكينج #مرتين
فيلمهم الاول كان Guddu
وهو فيلم تراجيدى درجة اولى .. بيحكى قصة الشاب جودو اللى بيتنبأ الكاهن بأن مصيره هيكون مأساوى فى يوم من الايام .. وجودو بيحب سيلينا وفى يوم وهما مع بعض بتحصلهم حادثه سيلينا بتبقى عاميه وجودو بيعرف اهله ان عنده ورم فى الدماغ .. وبتطلب سيلينا انها تتجوز جودو وهو بيطلب انه يديها عنيه .. وحوار كده كبير هتعرفوه لما تشوفوا الفيلم
المهم انه حقق نجاح متوسط ... ولم يسمع عنه بعد كدة
تانى فيلم جمعهم كان سنه 1998 وهو Dil Se
وكانت مانيشا بتمثل فيه دور #ارهابيه ... ممثله جامده بجد ... ونهاية الفيلم مأساويه وهى ان شاروخان زى مانتوا عارفين بيحضنها وهى لابسه حزام ناسف ويموتوا منفجرين مع بعض ... تراجيدى تراجيدى يعنى
وبالمناسبه دة كان اول فيلم تظهر فيه بريتى زينتا .. كانت بتقدم دور مساعد وكان دة اول ظهور ليها فى بوليوود ... وحقق ديل سي نجاح جيد ... وللأن فى ناس لاتزال بتحب الفيلم دة ...
العلاقه بينهم عاديه ... وخصوصا ان مانيشا من بعد اصابتها بالسرطان وانشغالها برحلة علاجها مبقتش فاضيه لحد ...
ولكن دة كان رأى مانيشا فى شاروخان لما سئلوها عنه :
ليس هناك كلمات اخرى لوصف مثالية شاروخان باستثناء وسيم و انيق ... و لن اصدم اذا تسمرت اي فتاة في مكانها عندما تراه ... لدي شاروخان كل الصفات التي تتوق اليها المرأة ... هو ليس وسيما فحسب بل هو مهذبا جدا جدا ... احب ان ارى تمثيله