رافينا تاندون وشاروخان
رافينا تاندون ... ممثله اخرى عملت مع شاروخان اكتر من فيلم .. قدمت معاه فيلمين .. بالنسبالى الكيميا بينهم مش كبيره زي اى نجمه تانى ..
ظهروا معاً على شاشات السينما سنة 1995
فى فيلم Zamaana Deewana
الفيلم بيحكى عن عصابتين محدش عارف يلمهم ولا يشكمهم .. فالشرطه بتقرر تجوز الولد والبنت لبعض عشان يصالحوا زعيمين العصابتين ..
الفيلم منالش اى جوايز .. وتقييمه كان 4.7/10
اما الفيلم التانى اللى جمعهم كانت حكايته حكاية
اولا هو اسمه Yeh Lamhe Judaai Ke
الفيلم دة اتعرض سنة 2004 فى عز ما كان شاروخان ملعلع فى السينما وبقى نجم كبير وافلامه تجنن .. اتعرض الفيلم اللى يعد من اسوأ ما قدم شاروخان فى تاريخه .. الفيلم كان متصور سنة 1992 .. ويعد من اول افلام شاروخان .. ولكن حصلت مشاكل فمكملوش تصويره ..
قصة الفيلم بتدور حوالين شاب بتحبة بنت غنيه وبتصرف عليه وتساعده عشان يبقى فنان بس بيوقعه ناس اشرار فابيكره البنت دى .. وفى الاخر البنت بتموت ..
الفيلم فاشل لعدة اسباب .. اولها هى عرضه بعد 12 سنه من تصويره ..
ثانياً شاروخان مكنش طالع فى الفيلم بصوته انما كانوا مدبلجينه .. بمدبلج استغفر الله العظيم .. الاغانى اى كلام .. الاخراج اى كلام ..
الفيلم ساعتين .. انا شفته فى نص ساعه ...
وتم تصنيف الفيلم من اسوأ ما قدمت بوليوود .. ومن اسوأ ادوار شاروخان ..
طبعاً بعد كل اللخبطه دى .. رافينا تاندون .. على الرغم من انها ممثله عبقريه الا انها لم تشكل مع الكينج ثنائى رائع ..
بتقول رافينا عن شاروخان ايه بقى :
"دائما ما اطلق على شاروخان لقب "شاه" واعتقد انه لا يحبه .. ولكن لا مفر امامه من الاستماع له منى "