شريديفى وشاروخان
ثنائى لم ير النور
المرآه الباتشان والكينج .. بس وقتها كانت هى باتشان وهو كان ممثل صغير على اده .. مجتمعوش غير فى فيلم واحد سوا .. وده شئ طبيعى
بالنسبه للعملاقه شريديفى شاروخان مكنش الممثل اللى يستحق انها تقف قدامه مرتين .. وخصوصا ان شاروخان كان دايما هو البطل فى افلامه ... وشريديفى كانت بترفض ان الممثل يكون البطل .. دايما كانت تبقى هى البطله واى ممثل فهو مجرد تكمله للفيلم ...
وعشان كل الكلام كدة .. متجمعوش غير مره واحده #فقط .. فى فيلم
#Army
الفيلم كان طبعاً بطولة شريديفى .. وشاروخان كان ضيف شرف .. ولكنه قبل الدور عشان بس يقف قدام الملكه .. اللى بتمثل فى بوليوود اديلها 31 سنه .. وكانت حلم اى ممثل
الطريف ان شريديفى اكبر من شاروخان بـ 3 سنين .. ولكن لم يلحظ احد فرق السن دة .. ورغم دور شاروخان الصغير .. الا ان الكيميا بينه وبين شريديفى والرومانسيه بينهم كانت كبيره جداً .. وناعمه جداً ..
طيب ياترى هو دة الحوار كله
شريديفى كان ممكن تكون اكتر ممثله وقفت قدام شاروخان لولا انها رفضت افلام بالعبيط ليه .. هحكيلكم عليها :
Darr
ياش راج عرض على شريديفى بطوله دارر ولكنها رفضته لانه مش جديد عليها واخدت جوهى الدور
Baazigar
النص اصلا كان مكتوب لشريديفى لان اصل القصه ان الاختين توأم وكان هى هتقوم بالدور .. ولكن المخرج رفض عشان لو شريديفى قامت بالدور المشاهدين كانوا هيتعاطفوا معاها وهو كان عايزهم يتعاطفوا مع شاروخان .. وبالتالى ذهب الدورين لكاجول وشيلبا
Anjaam
شريديفى رفضت الدور وراح لمادهورى
Dil To Pagal Hai - Official
ياش راج كان بيتمنى يجمع شريديفى وشاروخان مع بعض .. ولكن شريديفى رفضت الدور بردو .. والموضوع كان كالتالى الفيلم كان هيكون بطوله .. شاروخان وشريديفى ومادهورى وكان هيكون اول فيلم يجمع الملكتين مع بعض .. ولما رفضت شريديفى راح دورها لمادهورى ودور مادهورى خدته كاريشما
فهمتوا حاجة
Mohabbatein - Official
الموضوع هنا مختلف .. فالمعروف انه كان لشريديفى دور كامل فى الفيلم ولكن عندما رفضت الفيلم اتحذف الدور من اصله .. للأسف محدش يعرف الدور دة كان ايه
Shakti – The Power
كان المفروض ان عودة شريديفى تكون سنة 2002 مع شاروخان فى شاكتى .. ولكنها لم تعد .. وراح الفيلم لكاريشما كابور .. وصار من انجح واقوى افلامها على الاطلاق
شريديفى وشاروخان ثنائى لم يرى النور