تقرير عن شاروخان
شاروخان يعنى الممثل اللى بيعيط تعيطى معاه ويضحك تضحكى معاه و يبتسم تلاقى نفسك من غير ما تحسى بتبتسمى معاه زى العبيطة kiki رمز تعبيري
شاروخان يعنى الممثل اللى اهلك ياما اشتغلوكى بسببه ويندهولك الحقى شاروخان ف التليفزيون وتروحى يقولولك هاتيلى ماية من التلاجة grin رمز تعبيري
شاروخان يعنى الممثل اللى لو عمل دور شر مبتعرفيش تكرهيه ده انتى بتحبيه وبتتعاطفى معاه وتعيطى عليه كمان grin رمز تعبيري grin رمز تعبيري
شاروخان يعنى احسن ممثل يقدر يوصلك احساسه ويقدر يقنعك ان لسه الدنيا فيها رومانسية وحب رغم انك ممكن تكون مقتنع ف الحقيقة ان الحب فعل ماضى مبنى على كلام فاضى فتكون النتيجة انك تقتنع ان محدش ف الدنيا دى رومانسى الا شاروخان devil رمز تعبيري
شاروخان يعنى البصمة ف مشوار اى ممثلة وقفت قصاده من كاجول لحد دبيكا ولسه اللى جاى grin رمز تعبيري
شاروخان يعنى ممثل ياش راج المفضل kiki رمز تعبيري
يعنى دور على اى ممثلة من اللى وقفوا قدام شاروخان هتلاقى فيلمها معاه هو اللى اخدت عليه جوايز او بقى ليها شعبية اكتر وهكذا ما عدا طبعا ملكات بوليود اللى مثل معاهم ف الاول واللى شهروه grin رمز تعبيري
شاروخان يعنى تقعد تلت ساعات تتفرج على حفلة من حفلات الجوايز وانت مش فاهم ف البطيخ grin رمز تعبيري بس تسمعها عشان هو اللى بيقدمها لا وبتضحك كمان devil رمز تعبيري
شاروخان يعنى الممثل الوحيد اللى هتلاقى امك بتكرهه بسبب حبك ليه و مهما شفتى افلام لناس وعجبتك عمرك ما هتعرفى تحبى حد اد حبك لشاروخان grin رمز تعبيري
يعنى اصحابك وقرايبك لما يستفزوكى و يقولوا عليه وحش ومش امور ولا صاحبك الخفيف اللى يقولك شاروخان ولا شاروخ واحد squint رمز تعبيري ويلاقيك زى المدفع اللى هينفجر ف وشه devil رمز تعبيري
شاروخان يعنى اكتر حد شفته بيحترم النساء والبنات وبيقدر دورهم ودايما كان يقول انه ميقدرش يشوف بنت بتعيط
شاروخان يعنى التواضع والاحترام مع الصغير قبل الكبير الا شاهد معرفش بيستهفاه ليه !! يمكن عشان بيحبه اكتر grin رمز تعبيري
شاروخان يعنى راهول نام تو سونا هوجا kiki رمز تعبيري يعنى دون كى بكرنا مشكلى ناهى نا ممكن هى devil رمز تعبيري و I love you, K-k-k-Kiran kiki رمز تعبيري
شاروخان يعنى الغمازات والابتسامة kiki رمز تعبيري
فى حد كان مرة قال ان شاروخان محدش بيشوف رجليه grin رمز تعبيري لانك خلاص اول ما بتشوف وشه تلقائيا متعرفش تشوف حاجة تانية grin رمز تعبيري
كده المقدمة خلصت devil رمز تعبيري
صلوا ع النبى بقى grin رمز تعبيري grin رمز تعبيري نبدأ grin رمز تعبيري
الاسم : شاروخان بس هو بيحب يتكتب اسمه كده "shah rukh khan" وطبعا الاختصار "SRK" grin رمز تعبيري
تاريخ الميلاد : 2 نوفمبر 1965 "يعنى كمل 49 سنة قريب "
مكان الميلاد : نيودلهى "الهند "
مكان الاقامة : قصر مانات kiki رمز تعبيري
الديانة : مسلم
البرج : العقرب
الطول : 173 cm
الوزن : 73 kg
الزوجة : جورى خان "هندوسية بنجابية "
الاولاد : اريان خان مواليد سنة 97 وظهر ف فيلم بوليودى واحد اللى هو كابى خوشى كابى غم كان بيمثل فيه دور شاروخان وهو صغير grin رمز تعبيري
وسوهانا مواليد سنة 2000 وممثلتش ابدا بس فيه قالوا ان شاروخان بيتمنى ان سوهانا تبقى نجمة كبيرة زى دبيكا وانوشكا ف يوم من الايام بس انا معرفش اذا كان فعلا قال كده او لا ء grin رمز تعبيري
واخيرا ابرام مواليد 2013 بيقولوا ان اسمه ابراهيم بس هما بينطقوها ابرام وايام ولادته كانوا فسروا الاسم انه جزء من ابراهيم وجزء اسم الاله رام بتاع الهندوس .. ابرام شبه شاروخان اووى تحسوا ان شاروخان مخلف نفسه وهو صغير kiki رمز تعبيري وطبعا ظهر ف احدث افلامه مؤخرا هابى نيو يير وابرام مولود من ام بديلة لان واضح ان جورى مكنتش هتستحمل الحمل او كده grin رمز تعبيري
المهنة : ممثل ومنتج و مقدم برامج
اخد القاب كتير منها "Baadshah of Bollywood" و "King of Bollywood" و "King Khan" و "King of romance " ظهر ف اكتر من 80 فيلم اكشن وكوميدى ورومانسى ع مدار ما يقارب ال 25 سنة ف بوليود grin رمز تعبيري
مجلة لوس انجلوس تايمز قالت ان شاروخان يعتبر واحد من اشهر الممثلين ف العالم ان مكنش فعلا اشهرهم grin رمز تعبيري
يعتبر اغنى تانى ممثل ف العالم بثروة قدرها 600 مليون دولار 3
حاصل على جوايز كتير ملهاش عدد ولو قعدت اعد فيها مش هخلص لكن ابرزها ع الاطلاق 14 جايزة فيلمفير منهم 8 كاحسن ممثل ^_^
صاحب شركة انتاج اسمها Red Chillies Entertainment و مدينة ملاهى و فريق كريكت اسمه Kolkata Knight Riders و يعتبر من اكتر 50 شخصية مؤثرة ف العالم
احكيلكوا بقى حكاية النجم بتاعنا ده من الاول خالص ونشوف معاناته وهو صغير ومشاكله اللى واجهته والصعوبات اللى ف حياته وسر خجله ووحدته وصمته ويتمه وبداياته خالص
ارجعوا بضهركوا شوية بقى شوية كمان هات كمان شوية ورا
بسسسسسسسسسس اثبتوا هنا
شاروخان من مواليد نوفمبر سنة 65 زى ما قولتلكوا وقضى خمس سنين من عمره ف منجلور مع جده لامه افتخار احمد وكان رئيس مهندسين ف الميناء ف الستينات ... وشاروخان يبقى الابن التانى لمير تاج محمد خان بعد اخته شاهيناز الكبيرة وهى اكبر منه بخمس سنين ..
ام شاروخان فاطمة وابوه اتقابلوا ف حادثة عربية ووالد شاروخان انقذ فاطمة ووداها المستشفى واتبرعلها بالدم وحبها وقرر يتجوزها رغم انها كانت مخطوبة وفيه ريحة فير زارا ف الحكاية واتجوزوا فعلا سنة 1959
يعنى شاروخان نصه من حيدر اباد "تبع امه" ونص باثان "الاب " وشوية كشميرى "جدته اللى كانت مسمياه عبد الرحمان مع نفسها كده " وجده الكبير كان من افعنستان 3
ابو شاروخان وصل لنيودلهى قبل تقسيم الهند ونشأ شاروخان ف حى راجندرا ناجار ف دلهى وكانوا عيلة بتعيش ف حال متوسط عادى وشقة بالايجار وابوه جرب مشااريع كتير ف التجارة منها مطعم وفشل وشركة للنقل مع اصحاب ليه ونصبوا عليه وخدوا الفلوس وفلسعوا وبعدها محل للشاى جمب مسرح وشاروخان كان بيروح معاه ويشوف الممثلين من بعيد وبعدها مصنع زتون وبعد ده كله تعب والد شاروخان بالسرطان وخسروا كل فلوسهم ف مرضه ومحاولات علاجه اللى فشلت وانتهت بوفاته 1980 :/ و شاروخان دلوقتى عامل مستشفى لمرضى السرطان على حسب معلوماتى
شاروخان كان طفل شاطر ف المدرسة والدراسة ماعدا اللغة الهندى شوية مكنش شاطر فيها بس لما ماماته وعدته انها هتوديه السينما لو جاب درجات عالية ف الهندى وهو بقى يجيب فيها درجات عالية عشان تكافئه بانها تاخده ويروحوا السينما
شاوخان كان ف مدرسة St. Columba's School ف وسط دلهى وكان متفوق ف المدرسة وكان مشترك بفريق كرة القدم والهوكى والكريكت وكان مهتم بالرياضة وبيحبها وكان بياخد جوايز ف المدرسة
قال شاروخان عن امه فاطمة انها كانت ست حنونة جدا وكانت شخصية عملية ومتفاءلة دايما وهو كان مرتبط بيها ارتباط قوى جدا خصوصا بعد وفاة والده وهو ف سن ال 15 سنة وانها كانت بتشتغل مساعدة اجتماعية عشان تعليمهم هو واخته بعد وفاه ابوهم ...
شاروخان راح بيشاور مرة واحدة بس وهو عنده 14 سنة ودى مسقط راس والده وتقريبا لحد الان عايش فيها باقى عيلة والده وقال انه اتعلم منهم ازاى استقبال الضيوف والكرم وكده وانهم ناس كويسين جدا بس مراحش تانى لان بعدها بفترة بسيطة مات والده
كانت صدمه كبيرة ف حياة شاروخان موت والده وكانت سبب ف مرض اخته شاهيناز الكبيرة باكتئاب حاد لانها مكنتش موجوده اثناء الوفاه ومكنتش تعرف ان ابوها مات وراح شاروخان جابها بس مقالهاش حاجة ولما رجعت معاه وعرفت جالها اكتئاب حاد تعالجت منه بس مرجعتش زى ما كانت ولحد دلوقتى متجوزتش وعايشة مع عيلة شاروخان وطول عمرها عايشة معاه وهو اللى شايل مسؤليتها رغم انها هى الكبيرة وشاروخان برضه مرة اخدها سويسرا معاه عشان تتعالج هناك اثناء تصوير فيلمه ديوالى دولهانيا لى جانجى ولحد دلوقتى عايشة معاه لانها لا اتجوزت ولا كونت اسرة وع فكرة تأثير موت ابو وام شاروخان مكنش تاثيرهم اقل على شاروخان وبالذات امه بس هو كان معاه جورى اللى قدرت انها تساعده لحد ما يخرج من حالته اللى كان فيها
ومشيت الدنيا عادى بعد وفاة ابوة ورجع لدراسته عادى ودفن حزنه جواه وعدى لحد ما وصل لسن ال 24 وكانت الصدمة التانية ف حياتة وهى وفاه امه وهكيلكم عنها كمان شوية !!
قال شاروخان انه لو مكنش اصاب ضهره مكنش هيبقى ممثل ابدا !!
شاروخان دخل الجامعة Hansraj 4 سنين عشان البكاليورس ف الاقتصاد بس كان بيروح المسرح كتير ودرس التمثيل تحت اشراف وارشاد مدير المسرح وكان خرج اسمه بارى جون
وبعد الجامعة اخد الماجستير من الجامعة الاسلامية ودرس برضه ف مدرسة الدراما الوطنية ف دلهى ف بداياته ف بوليود
احكيلكوا بقى شاروخان لما كان شاب ف الجامعة اتصاب ف ضهره وهو بيلعب كورة ف ملعب ابيدكر وكانت حارس مرمى وكانت مباراه مهمة وهتأهل فريقة للعب على مستوى الهند بس اثناء التدريب ف معسكر لالاامارانات شاروخان مكنش قادر انه يوطى وكان عنده الم ف ضهره والدكتور قاله بلاشتلعب بس الدكتور كان عارف ان شاروخان مش هيسمع كلامه وده اللى حصل ان شاروخان اصر ع اللعب رغم ان الالم كان صعب جدا ف المباراه وضهره تعبه اكتر والدكتور قاله لازم تفضل ف السرير متقومش ست اشهر !
شاروخان بعدها ظن ان كده حياته انتهت واتدمرت واثناء تعبه عرف ان فى مسرحيه ف كلية السيدة شيرى رام بتتعمل وفيها 80 بنت 3 ومحتاجين 8 شباب فقال شاروخان انه يجرب خصوصا انه حاجة مش صعبة وانضم ليهم فعلا ومن وقتها مبطلش تمثيل وكانوا بيشكروا فيه زمان ف انه بيقدر يقلد ممثلين بوليود تخيلوا شاروخان بيقلد 3
الممثلين المفضلين بالنسباله زمان كانوا اميتاب باتشن وممتاز
وواحدة من اصدقاء طفولته كانت امريتا سينغ "مرات سيف على خان الاولى " واللى بقت ممثلة ف بوليود قبله
شاروخان كمان كان بيشتغل ف سينما مقابل 5 روبية واول 5 روبية قبضها راح بيها تاج محل ^_^وهناك ف تاج محل هو واصحابه المفلسين زى حالاته قابل راجل قاله انت هتبقى حاجة كبيرة اووى بعدين وشاروخان ضحكله ضحكة سخرية كده
اتعرف شاروخان على جورى لما دخل الجامعة الاسلامية وكان عنده 19 سنة وهى كان عندها 14 .. اتقابلوا ف حفلة واعجب بيه وبخجله المعهود ولا قدر يهوب ناحيتها ولا يقولها حرف وراح قال لصاحبة هو اللى يطلب منها ترقص معاه وهى وافقت ومن هنا بقوا يطلعوا مع اصحابهم واتطورت الحكاية لحب جنونى من شاروخان اللى كان بيغير عليها جدا وبيتحكم ف لبسها وخروجها مع اصحابها حتى تسريحة شعرها
ولما اهلها عرفوا علاقتها بيه رفضوا تماما وكان بيراقبوها عشان متخرجش معاه ولا تشوفه بس على مين 3 جورى كانت بتزوغ من المدرسة عشان خاطره وعشان تقابله 3 وهو عشان يعوضها عن وقت المدرسة كان بيساعدها ويذاكرلها ^_^ وكمان خالها كان بيساعدهم يتقابلوا من ورا اهلها ^_^ "الخال والد برضه "
ومرة واحدة زاد ضغط اهل جورى عليها واجبروها انها تسافر لمومباى عشان تبعد عنه خالص وباقى القصة طبعا اظن ان كلكوا عارفينه انها كانت مسافره يوم عيد ميلادها وشاروخان كان عاملها حفلة وبتاع ف الليلة اللى هتسافر فيها بس هو مكنش عارف انها مسافره وابته وخرجت بتعيط وسافرت وهو بعدها عرف من اصحابها انها سافرت وفهم هى كانت بتعيط ليه وسفرها اثر عليه جدا ووالدته ادته فلوس عشان يروح مومباى يدور عليها وراح يدور عند البحر لانه عارف انها بتحب البحر ولقاها هناك واحضان وعياط ودراما بقى
مقدرتش جورى ترجع معاه لكن اتفقوا انهم هيتجوزوا
وهو كانت فلوسه خلصت فأدته هى فلوس يرجع بيها لدلهى تانى
واتجوزوا فعلا بالعافية بعد ما ابوها وافق بشرط ان الجواز يبقى ع الطريقة الهندوسية واتجوز شاروخان جورى ف 25 اكتوبر 1991 بعد ست سنين حب
نفس سنة جواز شاروخان هى سنة وفاه امه :/ ام شاروخان "فاطمة" كانت مريضة بالسكر وسبب موتها كان مضاعفات لمرض السكر لانها انجرحت وسابت الجرح او معالجتوش بطريقة سليمة والجرح اتلوث و ورم وطبعا ده خطر بالنسبة لمريض السكر وطبعا حصلها غيبوبة سكر واتنقلت المستشفى وشاروخان كان معاها ومكنش حتى بيرضى ياكل كانت جورى هى اللى بتأكله
وبعدين امه ماتت وهو بيصلى وبيدعيلها تخف يعنى مكنش جنبها .. جورى اللى كانت معاها ومحدش قدر يقوله لا جورى ولا اصحابه والدكتور هو اللى بلغه وطبعا يوم دفنتها كان منهار ومش عايز يسيبها وماسك كفنها وبيعيط ورجع البيت وقفل عليه ومرضيش يفتح لحد ما جت جورى وهى الوحيدة اللى رضى يفتحلها الباب
تقريبا اكتر حاجة اثرت ف شاروخان كان يتمه اللى لحد دلوقتى سايب جواه جرح متغطى من ع الوش بس
اتنكدتوا خلاص
شاروخان لمان كان عنده 19 سنة ودته والدته ل واحد من صناع سينما بس قالها ده مستحيل يكون ممثل لان وشه مش فوتو جنيك
س امه بقت مصرة انه حيبقى زي دليب كومار لانه كانت بتحبه جدا وساكن في نفس منطقتهم
بعد الحاجات المسرحية اللى شاروخان عملها ف الجامعة دى اتعرض عليه دور ف مسلسل اسمه Dil Dariya وبدأ شاروخان تصوير فيه سنة 1988 وده كان بدايته واول حاجة عملها وبعده مسلسل Fauji لكن بسبب المشاكل الانتاجية اتأحر المسلسل الاولانى واتعرض فوجى الاول وبقى هو العمل التليفزيونى الاول لشاروخان اسم شاروخان ف فوجى كان ابهىمانيو راى وواضح ان اسم ابهىمانيو ده اللى بياخده بيبقى محظوظ ويتشهر بسرعة 3 if you know what i mean ;) وعمل بعدها مسلسلات زى #Circus و #Idiot و #Umeed و # Wagle Ki Duniya ومن المسلسلات دى بدأوا النقاد بقارنوا بين اسلوب والنجم الكبير ديليب كومار
خدوا بالكوا كل ده وشاروخان مدخلش بوليود اصلا 3
ف ابريل 1991 بعد وفاة ام شاروخان ساب شاروخان دلهى وراح على مومباى وهو ملوش فيها حد ولا معاه فلوس تكفيه عشان يشتغل ف بوليود عاش ف شقة صاحبة شويه وبعد جوازه من جورى اتنقلوا لشقه فضل هو وجورى بيناموا على البلاط من غير عفش :/ ويوم فرحهم شاروخان خلص الفرح وراح يكمل شغل وسابها ملطوعة لحد ما خلص ورجع صالحها تانى
نتكلم بقى عن دخول شاروخان بوليود وازاى ده حصل دخول شاروخان لبوليود كان عن طريق الممثلة الكبيرة هيما مالينى ^_^ كانت محتاجة وجه جديد لفيلمها اللى هتخرجه بنفسها اللى اعجبت بشاروخان ف مسلسل فوجى وبنت عمها اتصلت بيه ف يوم وقالتله ان هيما مالينى عايزة تكلمك وهو افتكرها بنت بتعاكسه 3 ولما قالتله انها عايزة تشوفه مكنش مصدق وراح للاختبار بتاعها وكانت عايزاه يحط مكياج وهو مرضيش لانه راجل بس هى حطتله مكياج بنفسها ^_^ وكانت معجبة ب وشه وبتقووله وشك ارستقراطى
واخدته وادته بطولة فيلمها Dil Aashna Hai مع الجميلة ديفيا بهارتى وف التصوير كان شهر عسله هو وجورى ^_^ بس عشان المشاكل الانتاجية نزل فيلم Deewana (1992 film) مع ديفيا بهارتى برضه و ريشى كابور قبل الاولانى ونجح الفيلم وخد عنه جايزة فيلمفير لافضل ظهور اول مرة وع فكرة لحد النهاردة شاروخان مشافش الفيلم ده لانه مقرر انه مش هيشوف لا اول فيلم ليه ولا اخر فيلم ليه وفيه واحد بعد الفيلم قاله الفيلم كله حلو الا انت ! انت اوحش حاجة ف الفيلم :/
سنة 92 نزل لشاروخان 3 افلام كانوا Chamatkar و فيلم بتاع هيما مالينى Dil Aashna Hai و التالت كان Raju Ban Gaya Gentleman اول تعاون بينه وبين جوهى تشاولا
مش هعرف اكتبلكوا عن افلامه كلها لكن هقولكم معظمها تقضية واجب كده انتوا عارفينها اساسا
Raju Ban Gaya Gentleman و Darr و Ram Jaane و Yes Boss (film) و Duplicate و Phir Bhi Dil Hai Hindustani و One 2 Ka 4 و Bhoothnath مع النجمة جوهى تشاولا
Kabhi Alvida Naa Kehna و Chalte Chalte و Paheli و Veer-Zaara Official و Hey Ram مع رانى موخيرجى ^_^
Baazigar و Karan Arjun و Dilwale Dulhania Le Jayenge - Official و Kuch Kuch Hota Hai و Kabhi Khushi Kabhie Gham و My Name Is Khan مع كاجول ملكة بوليود ^_^
Anjaam و Koyla و Dil To Pagal Hai - Official و Devdas و Hum Tumhare Hain Sanam مع مادهورى ديكشت الست اللى شاروخان بيعتبرها صاحبة فضل عليه لانها كانت ممثلة مشهورة وكبيرة جدا وهو لسه وجه جديد ووافقت تمثل معاه
Dil Se و Kal Ho Naa Ho و Kabhi Alvida Naa Kehna و Veer-Zaara مع بريتى زينتا ♥
Ashoka the Great و #RA.One مع كارينا كابور خان
Don 2 و #Don1 مع بريانكا شوبرا
Om Shanti Om و Chennai Express و Happy New Year مع دبيكا بادوكون
#Josh و Mohabbatein - Official و #Devdas مع ايشواريا راى
Main Hoon Na و Dulha Mil Gaya مع سوشميتا سن
# Guddu و # Dil Se مع مانيشا كوريلا
Yeh Lamhe Judaai Ke وده يعد من اسوأ ما قدم شاروخان فى تاريخه .. و Zamaana Deewana مع رافينا تندون و #army مع شريديفى
Rab Ne Bana Di Jodi و Jab Tak Hai Jaan مع انوشكا شارما وكاترينا كيف
وكده كفاااية افلام بقى انا حاولت اجمع اللى فاكراه
وفي منتج اسمه سيبي لما شاروخان ابتدى يمثل قالهم ازاي ده حيبقى ممثل وينجح وهو شعره زي الدب كده
ابرز خناقات شاروخان ف بوليود كانت خناقته مع سلمان واتصالحوا قريب وبرضه ايشواريا وبرضه اتصالحوا قريب
وخناقته مع اجاى ديفجان ايام فيلم جاب تاك هى جان وسن اوف ساردار وبرضه اتصالحوا قريب وشاروخان فأجأه ف التصوير ليه وزاره وحضنه
وبرضه خناقه مع الراجل جوز فرح خان ايام فيلم راوان واللى عمل مشكلة بين فرح وشاروخان برضه بس اتصالحوا والرشوة كانت هابى نيو يير
ومن ابرز الاشاعات اللى طلعت عليه كانت اشاعة علاقته ببريانكا شوبرا ودى كمان انتهت لانه تقريبا مبقاش يمثل معاها
اصحاب شاروخان المفضلين كاجول وكاران جوهر
اكلته المفضلة الفراخ وبيحب البرتقان والبيبسى
شاروخان بيخاف من ركوب الخيل
فيلمه المفضل ليه Kabhi Haan Kabhi Naa
شاروخان لما حد بيسأله عن الحاجات او الفلوس اللى بيتبرع بيها بيقول ان ف القرأن بيقول ان اللى يعمل خير عشان سبب او حد يعرفه ميبقاش خير
البرامج اللى قدمها ف التليفزيون كانت Kya Aap Panchi Pass Se Tez Hei? و Kaun Banega Crorepati
اعمال شاروخان الجاية هى فيلم #fan شهر اغسطس ان شاء الله
وفيلم #Raees ف 2016 وفيلم روهيت شيتى ف الكريسماس السنادى بس لسه مش معروف اسمه
وبرنامج India Poochega Sabse Shaana Kaun Hai
اكتر حاجة بحبها لشاروخان كانت لقاءه ف جامعة #Yale بعد ما حجزوه المطار فترة طويلة استعباط -_- وراح علمهم الادب بالعقل ^_^
"لا تسخر ابدا من نفسك او من حياتك ... فالسخرية من حياتك هى الشى الوحيد والاكثر تدميرا لك ممكن ان تفعله "
"اذا اردتم ان تحيوا هذة الحياة ... فعليكم باحترام هبة الحب من الان "
" لابد ان تؤمنوا انكم تبدعون فقط لان هذا هو اكبر هدية يمكن ان تقدموها لعالمكم "
"هناك امر واحد يمكنك القيام به لتحيا وهو ان تتمسك بمن هو ف داخلك , سيعاملك العالم بشر ولن يتمكن احد من رؤيتك فعليك ف اوقات كهذه ان تتعلم ان ترى نفسك ! "
"يجب ان يمدك الفشل بالحافز اللازم للمواصلة بجهد اكبر والذى دائما ما يقود الى النجاح "
Thank you shahrukhan for being such a wonderful human and actor ^_^
مش عارفة تقريبا بالغت شوية ولا لاء بس اصل انا من البنات اللى مراهقتها كانت ف حب شاروخان فتلاقونى متأثرة حبتين كده
فيه كلمة دايما كنت بكتبها ف اخر مواضيع التعبير بتاعتى كنت بقول فيها اتمنى ان اكون قد نجحت ف القاء بعض الضوء على الموضوع
وفى فيديو هنزله كمان شوية ابقوا شوفوه عشان معرفتش احطه مع التقرير
كده خلصت 3 3